Switch connection on the few computer

Манайх интернетээ Sky C&C ийгээс авдаг лдаа. Тэгээд манай ах надад нэг switch авчирж өгсөн юм. Түүнийг би гэрийнхээ интернетийг салаалахад ашиглаж болох юм байна гэж бодоод яаж салгах талаар материал хайж эхэлсэн юм. Харин үүний үр дүнд би дараах мэдээллийг бэлдэв. За эхлээд техник талын зүйлүүдээ хэлье. Эхлээд хоёр компьютер мэдээж LAN сүлжээний карттай байх хэрэгтэй. Манайх интернетээ dsl-ээр авдаг. Утасны сүлжээ ашигладаг гэсэн үг лдээ. Гэхдээ энэ нь зүгээр шилэн кабелиар интернет авч байгаа хүмүүст ч болно.

Энэ бол миний интернетээ авч байгаа төхөөрөмж. Үүний сүлжээ талын нарийн ойлголтуудыг мэдэхгүй лдээ. Ямар ч байсан 10 гэсэн өгөгдөл дамжиж байгааг л мэдэж байна. За тэгээд энэнээс ирсэн кабелиа D-Link fast ethernet switch рүүгээ холбож өгнө. Надад байгаа нь 8-н оролттой нь. Хамгийн эхний оролт руу өөрийнхөө интернет ирж байгаа кабелиа хийгээд дараагийнхад нь хэдэн компьютер холбох гэж байна түүнийгээ utp кабелийн тусламжтайгаар холбоно. Холбохдоо straight хэлбэрээр хавчисан кабельнууд хэрэгтэй.

Ингээд сайн хараарай. Би хоёр компьютер холбосон байгаа. Эхнийхэд нь ирж байгаа интернетээ хоёр, гуравт нь интернет авах гэж байгаа хоёр компьютероо холбосон. За ингээд ер нь бол тус тус руу нь холболтоо хийгээд болно. За ингээд техник талаас шалтгаалах зүйлүүд нь дууслаа. Харин одоо программ талын тохиргоонуудыг хийнэ.

Ингэхийн тулд эхлээд компьютерийнхаа аль нэгийг нь толгой компьютер болгоно. Тэрэн дээр нь дараахь тохиргоонуудыг хийнэ. Энэ удаад би Windows Xp үйлдлийн систем дээрхи тохиргоог хийлээ. Энэ зурган дээр дарж томруулж үзэж болно.
start->control panel->network connections-> руу орно. ирж байгаа интернетийнхээ properties руу нь дараахь байдлаар.
ороод дээр гарч ирсэн табуудын хамгийн сүүлийн таб буюу advanced таб руу орно. Ингээд
ороод Allow other network users to connect throught this computer's internet connection гэснийг чагтлаад түүний дараа доор байгаа идэвхигүй сонголтууд нь идэвхижих болно. Тэгээд доорхи Home networking connection гэдгийн Local Area Connection гэснийг сонгоно. За ингээд OK дараад гарна. Юу ч гарч ирсэн OK дарна. За ингээд энэ компьютерын хувьд тохиргоо нь болсон. Харин дараа нь одоо нөгөө компьютерын хувьд ip address өөрөө тохируулж өгөх гэсэн тохиргоо хийж өгөхөд хангалттай. Хэрвээ интернетээ гэрийн утасны шугам ашиглаж авч байгаа бол ямар нэгэн хэрэглэгчийн нэр нууц дугаар авч ордог. Үүнийгээ шинээр холболт үүсгэж байж хийдэг. Бидний хувьд интернетээ хуваалцахыг зөвшөөрөх тохиргоо хийж өгч байсан дээрээ л үүсгэнэ гэсэн. Нөгөө туслах компьютер дээрээ шинээр тийм холболт үүсгэж хэрэггүй. Зүгээр л ip address өөрөө сонгох тохиргоо.
Яг энэ зургын дагуу хийхэд болно. Ямар нэгэн kaspersky ч юм уу эсвэл сүлжээнд филтер хийдэг вирусны хамгаалалт суулгасан бол түүнийгээ салгаж болно. Тэгвэл таны холболт жаахан эрсдэлтэй ч гэсэн холболт хурдан тогтоно. Гэхдээ бараг эрсдэл гээч юм гарахгүй. За ингээд автоматаар сонгох тохиргоо нь дараахь байдлаар харагдах болно. За тэгээд OK дараад гарахад холболт тогтох болно. Хэрвээ та холбогдохгүй байвал restart хийгээд толгой компьютераасаа интернет авч байгаа холболтоо идэвхитэй холбох буюу connect хийнэ.

За таньд амжилт хүсье. Энэ маягаар хийгээд үз. Хэрвээ болохгүй байвал сэтгэгдэлээр дамжуулж харьцаж болно.